ახალი რუბრიკა - ინოვაციური დაიჯესტი

ახალი ტექნოლოგიები დღითიდღე ვითარდება, შესაბამისად, ჯანდაცვის სფეროშიც გამოჩნდა ინოვაციები, რომლებიც ზრდის ჯანდაცვის ხელმისაწვდომობას, აუმჯობესებს სერვისის მიწოდებას და ზოგადად, ადამიანის ცხოვრების ხარისხს.

ინოვაციური დაიჯესტი - ჯანდაცვის ასოციაციის ახალი რუბრიკაა, რომლის ფარგლებშიც მსოფლიოში მიმდინარე ტექნოლოგიებზე სიახლეებს გაგიზიარებთ. დაიჯესტის ფარგლებში გექნებათ შესაძლებლობა გაეცნოთ როგორც ასოციაციის მიერ დამუშავებულ საერთაშორისო სტატიებსა და ანგარიშებს, ისე საინტერესო ბლიც ინტერვიუებს ჯანდაცვის ექსპერტებთან და მუშაკებთნ.

დაიჯესტის პირველი შესავალი თემა ჟენევაში გამართული მსოფლიო ეკონომიკური ფორუმის ახალი ანგარიშია - თუ როგორ შეუძლია ე.წ უპირველესად პაციენტი (Patient-First ) მიდგომის ტექნოლოგიურ ინოვაციებს ჯანდაცვის ხელმისაწვდომობის გაზრდა, სამუშაო ძალის დეფიციტისა და ე.წ burn out-ის ანუ ,,გადაწვის’’ დაძლევა.

ჟენევა, შვეიცარია, 2023 წლის 9 იანვარი –  მსოფლიო ეკონომიკური ფორუმზე  ყოველწლიურად  2700-ზე მეტი ლიდერია მოწვეული კერძო და საჯარო სექტორიდან. 2023 წლის 9 იანვარს, ჟენევაში გამართულ ღონისძიებაზე ახალი ანგარიში გამოქვეყნდა, რომელიც კერძო სექტორისა და ჯანდაცვის პოლიტიკის შემმუშავებლებს სთავაზობს უფრო მდგრად, ელასტიურ ჯანდაცვის სისტემის გეგმას. მოხსენებაში წარმოდგენილია კონკრეტული მაგალითების განხილვა შემდეგი  ოთხ მიმართულებით: თანაბარი წვდომა ჯანდაცვაზე;  ჯანდაცვის სისტემების ტრანსფორმაცია;  ტექნოლოგია და ინოვაცია და გარემოს მდგრადობა ( Sustainability). 

გლობალურმა პანდემიამ მნიშვნელოვანი პროგრესი მოიტანა მედიკამენტების განვითარებასა და მიწოდებაში.  ახლა საჭიროა ფოკუსირება სისტემის გრძელვადიან ცვლილებებზე, რათა შევაჩეროთ ჯანდაცვის სერვისების გაუარესება ეკონომიკური კრიზისების ფონზე.  კერძო სექტორმა და ჯანდაცვის პოლიტიკის შემმუშავებლებმა უნდა იფიქრონ სოციალურ სამართლიანობაზე და გამოიყენონ საჯარო-კერძო პარტნიორობისა და შედეგებზე დაფუძნებული რეგულირების ძალა - თქვა შიამ ბიშენმა, ჯანდაცვისა და ჯანმრთელობის, მსოფლიო ეკონომიკური ფორუმის ხელმძღვანელმა.  

პანდემიამ დააჩქარა ტექნოლოგიური გარდატეხის წერტილი ციფრულ ჯანმრთელობასა და ტელემედიცინაში.  Wi-Fi სიგნალით და უკეთესი ციფრული წვდომით, დღეს, რეგიონიდან პაციენტს შეუძლია გაიაროს კონსულტაცია ჯანდაცვის მუშაკთან მსოფლიოს ნებისმიერ წერტილში. ასევე პროცესში აქტიურადაა ჩართული ხელოვნური ინტელექტი (AI) და რობოტიკა, რაც მხარს უჭერს კლინიკურ ინოვაციურ გადაწყვეტებს, სახლის დიაგნოსტიკას, სახლში წამლების მიწოდების სისტემებს და პაციენტის მარტივ მონიტორინგს. 

 „ძალიან ხშირად ვხედავთ სამედიცინო დაწესებულებებს, რომლებიც ცდილობენ თავად იპოვნონ  გზა ტყიდან გამოსასვლელად და თითოეული მათგანი იკარგება, რადგან ერთმანეთისგან არ სწავლობენ“, - თქვა ჯეფ ალენმა, Friends of Cancer Research-ის აღმასრულებელმა დირექტორმა.  ”საჯარო-კერძო პარტნიორობა ხელს უწყობს ამ უთანხმოების გადალახვას, რათა მოკლე დროში იპოვოთ გადაწყვეტები საერთო პრობლემებისთვის.”  მოხსენებაში ნათქვამია, რომ მომსახურების მიწოდების ღირებულება უფრო მეტია, ვიდრე მოცულობა.  

ინგლისურენოვანი ვერსიის გასაცნობად იხილეთ სტატია.