ჯანდაცვის ასოციაციაში ჩვენი იურიდიული ფირმის გაწევრიანებით, გვჯერა, რომ მნიშვნელოვან წვლილს შევიტანთ იმ სამართლებრივი პრობლემების მოგვარებაში, რომლებიც წარმოიშობა, ერთი მხრივ, სამედიცინო დაწესებულებებსა და სამედიცინო პერსონალს, ხოლო, მეორე მხრივ, პაციენტებს შორის.

ასოციაცია არის დამაკავშირებელი რგოლი სამედიცინო სფეროში მომუშავე სხვადასხვა პროფესიონალებს შორის, რომლებიც ცდილობენ ჩამოაყალიბონ ერთობლივი პოზიცია ჯანდაცვის სფეროში არსებული გამოწვევების გადასაჭრელად და ხელი შეუწყონ ჯანდაცვის სისტემის გაუმჯობესებას.

ყოველთვის შეიძლება მოიძებნოს გზა, რომელიც ემსახურება ადამიანის კეთილდღეობას და ითვალისწინებს ყველა მხარის, მათ შორის, ჯანდაცვის ბაზარზე ძირითადი მოთამაშეების ჯანსაღ ინტერესებს.

„ჯანდაცვის ასოციაციის“ ფორმატი გაამარტივებს კომუნიკაციას სახელმწიფოსა და კერძო სექტორს შორის, შექმნის შესაძლებლობას, რომ დაგეგმვის პროცესში აქტიურად და დროულად ჩაერთონ ჯანდაცვის მომსახურების მიმწოდებლები და სახელმწიფოს საკუთარი ხედვა გაუზიარონ

ჯანდაცვის ასოციაცია ქმნის პლატფორმას, სადაც სამედიცინო სექტორის ყველა მოთამაშეს შეუძლია წვლილი შეიტანოს საერთო მიზნის მიღწევაში- ჯანდაცვის სექტორის განვითარებასა და წინსვლაში

ასოციაციის წევრობა არის ჩვენი შესაძლებლობა, რომ ერთმანეთს და სახელმწიფო ინსტიტუტებს გავუზიაროთ დაგროვილი ცოდნა, გამოცდილება და ხედვა სამომავლო განვითარებასთან დაკავშირებით

ჯანდაცვის ასოციაციის თითოეულ წევრს თანაბარი ხმის უფლება აქვს. ასეთი ფორმა უზრუნველყოფს ყველა წარმომადგენლის საჭიროებების განხილვას, გამოცდილების გაზიარებას და ერთიანი პოზიციის ჩამოყალიბებას.